Itsasperriko Santiago baseliza Arakilgo bihotza da. Egiarreta ondoan kokatua, Baseliza XII mendean eraiki zen eta bailarako batzar eta Junten gunea zen duela 30 urte arte. Arakildarrek elkartzeko gune natural bezala sentitzen dute eta hainbat erromeria egiten dira bertan. Uztailaren 25aren inguruan (Santiago Apostol) bailarako eguna ospatzen da hemen.
Itsasperriko Santiago baseliza interes kulturaleko izendaturiko eraikin erromanikoa da. Nabe bakarrekoa, abside semizirkularra eta gangadun kanoi estalpea dauka. Fatxadan abalastrozko errosetoi ederra eta sarreran kapitel ornamentatuak dauzka.
Itsasperrik ibilgailuak aparkatzeko prestaturiko gune bat dauka, baita komunak, piknik gunea eta haurrak jolasteko leku bat ere. Bertara iristeko Egiarreta aldera jo behar da eta herria baino lehen aurkituko dugu. Aipatzekoa da ere Egiarretako San Antonio Abad elizako erretaula ikusgarria. XVI. mendeko erretaula honek ere interes kulturaleko izendapena du.